काठमाडौं । पूर्वप्रधानसेनापति रूक्माङ्गद कटवालको स्वास्थ्यमा सुधार देखिएको छ ।

१० दिनदेखि आईसीयुमा रहेका कटवालको स्वास्थ्यमा सुधार आएसँगै आईसीयुबाट जनरलवार्डमा सारिएको हो ।

उनी स्वास्थ्यमा समस्या आएपछि गत माघ १७ गते सैनिक अस्पताल छाउनीमा भर्ना भएका थिए ।

हाल कटवाललाई आईसीयुबाट भीआईपी वार्डमा राखेर उपचार भइरहेको बताइएको छ ।

दुवै मिर्गौला ‘फेल’ भएपछि पूर्वप्रधानसेनापति कटवालले नियमित डाइलाइसिस गराउँदै आएका छन्।