तनहुँ । तनहुँमा अरिङ्गालले टोकेर एक जना युवकको मृत्यु भएको छ भने एक जना घाइते भएका छन् ।

भानु नगरपालिका–७ स्थित जंगलमा अरिङ्गाल पोल्ने क्रममा भानु नगरपालिका–४ फलाखेत बस्ने २४ वर्षीय धनबहादुर तामाङ र सोही ठाउँ बस्ने ३२ वर्षीय राजकुमार तामाङ अरिङ्गालले टोकेर घाइते भएका थिए ।

घाइते भएका राजकुमारको उपचारको क्रममा चितवन मेडिकल कलेजमा आज विहान मृत्यु भएको जिल्ला प्रहरी कार्यालय तनहुँले जनाएको हो ।

प्रहरीका अनुसार दुवै जनालाई लक्ष्मी अस्पताल डुम्रेमा प्राथमिक उपचारपछि थप उपचारका लागि चितवन मेडिकल कलेज चितवनमा पठाइएको थियो ।

अर्का घाइते धनबहादुर तामाङको सोही अस्पतालमा उपचार भइरहेको प्रहरीले जनाएको छ ।