काठमाडौं । सत्ता गठबन्धनले सरकार सञ्चालनका लागि बनाएको न्यूनतम साझा कार्यक्रम सार्वजनिक गरेको छ।

सिंहदरबारमा आयोजित कार्यक्रममा सरकारको न्यूनतम नीतिगत प्राथमिकता साझा संकल्प सार्वजनिक गरिएको हो ।

गठबन्धनको तर्फबाट गठन १० सदस्यीय कार्यदलका संयोजक विष्णु पौडेलले पाँच दलको साझा प्रतिबद्धता सार्वजनिक गरिरहेका छन् ।

कार्यक्रममा प्रधानमन्त्री पुष्पकमल दाहाल, उपप्रधान तथा गृहमन्त्री रवि लामिछाने, एमाले अध्यक्ष केपी शर्मा ओली, नेकपा एकीकृत समाजवादीका अध्यक्ष माधव नेपाल र जसपाका अध्यक्ष उपेन्द्र यादव रहेका छन् ।

नयाँ समीकरण बनेपछि गठित सरकारले गर्ने अर्थतन्त्र सुधार, सुशासनदेखि नागरिकमा देखिएको निराशा अन्त्य गर्नेगरी काम गर्ने उनले बताए ।

नयाँ गठबन्धनमा नेकपा एमाले,माओवादी केन्द्र ,राष्ट्रिय स्वतन्त्र पार्टी, जनता समाजवादी पार्टी र एकीकृत समाजवादी रहेका छन्।

सरकार गठन भएको एक महिना नपुग्दै सरकार सञ्चालन गर्न सत्तारूढ दलहरूको साझा न्यूनतम कार्यक्रम सार्वजनिक भएको हो।