पाल्पा । पाल्पामा युवतीको हत्या आरोपमा प्रहरीले एक जना युवकलाई पक्राउ गरेको छ।

रिब्दीकोट गाउँपालिका वडा नम्बर १ ख्याहा बस्ने १९ वर्षीया पद्मा सुनारको हत्या आरोपमा प्रहरीले एक जना युवकलाई पक्राउ गरेको हो।

चैत १३ गते रिब्दीकोट गाउँपालिका–१, ख्याहाकी सुनारको हत्या भएको थियो । जिल्ला प्रहरी कार्यालय पाल्पाले लप्सीखोला बस्ने १९ वर्षीय सागर भन्ने देवलाल सार्कीलाई पक्राउ गरेर सार्वजनिक गरेको हो ।

मंगलबार बिहान ९ बजे पद्मा लप्सीखोलामा कपडा धुन र नुहाउन भनेर हिँडेकी थिइन्। लप्सीखोला उनको घरबाट दुई किलोमिटर टाढा पर्छ।

गाउँकै लप्सीखोलामा कपडा धुन र नुहाउन एक्लै गएकी पदमासँग खोलामै विवाद भएको र फर्की आउने क्रममा देवलालले पछाडिबाट हँसियाले प्रहार गरेको प्रहरी अनुसन्धानबाट खुलेको छ ।

सागरले हत्या गर्दा प्रयोग गरेको धारिलो घरेलु हतियार हंँसिया, हत्याका बखत लगाएको कपडा, चम्पल, खादालगायत सामग्री बरामद गरेको छ ।