दाङ । दाङको लमहीमा बस दुर्घटना हुँदा १७ जना घाइते भएका छन् ।

लमही नगरपालिका–३ स्थित बनगाउँमा बुटवलबाट सुर्खेत जाँदै गरेको बस र तुलसीपुरबाट बुटवल आउदै गरेको बस एकापसमा ठोकिएर दुर्घटना भएको हो ।

दुर्घटनामा १७ जना यात्रु घाइते भएका छन । सामान्य घाइतेहरुको लमही अस्पतालमा उपचार भइरहेको जिल्ला प्रहरी कार्यालय दाङले जनाएको छ ।

गम्भीर घाइते दुई जनालाई थप उपचारका लागि भैरहवा पठाइएको छ ।