Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार , आश्विन २३, २०८२
काठमाडौं । आज बस्ने मन्त्रिपरिषद्को बैठकले नेपाल प्रहरीका चार डीआईजीको एआईजीमा बढुवा गर्दैछ ।
१२ दिनअघि बढुवा सिफारिस भएका सुशीलसिंह राठौर, उमाप्रसाद चतुर्वेदी, हिमालय श्रेष्ठ र डम्बरबहादुर विकको बढुवा हुन लागेको हो ।
बढुवासँगै आजै उनीहरुको पदस्थापन पनि हुनेछ । आज ३ बजे मन्त्रिपरिषद् बैठक बस्दैछ। पदस्थापनका लागि प्रशासन विभाग, कार्य विभाग, अपराध अनुसन्धान विभाग र प्रदेश समन्वय विभागमा रिक्त छन् ।
राठौर हाल प्रशासन विभागकै निमित्त प्रमुख रहेकाले उनी बढुवापछि त्यही पदस्थापनको प्रयासमा छन् । प्रहरीको पुननिर्माण र निर्वाचनका लागि बजेट आउने भएकाले प्रशासन विभागमा ठूलो चलखेल छ।
उता गृह मन्त्रालयले डीआईजीहरको सरुवाको पनि तयारी गरेको छ । एआईजी बढुवासँगै मधेस र सुदुरपश्चिम प्रदेश रिक्त हुँदैछन् । त्यस्तै, कार्यसम्पादनमा कमजोर देखिएका लुम्बिनीका डीआईजीको पनि सरुवा हुने सम्भावना छ ।
प्रदेश जान चाहने डीआईजीहरुमा गोविन्द थपलिया, दिपेन्द्र जिसी, बिनोद घिमिरे, ओम राना, जय सापकोटा, सुरेन्द्र गुरुङ, सुदर्शन कोइराला लगायत छन् ।
© 2026 All right reserved to onlinenepal.com
Design & Developed By
