प्रहरीका तीन डीआईजीको सरुवा, रानालाई सुदूरपश्चिमको जिम्मेवारी

अनलाइन नेपाल

शुक्रवार , आश्विन २४, २०८२

प्रहरीका तीन डीआईजीको सरुवा, रानालाई सुदूरपश्चिमको जिम्मेवारी

काठमाडौं । नेपाल प्रहरीका तीनजना डीआईजीको सरुवा गरिएको छ । प्रहरी प्रधान कार्यालयले शुक्रबार डीआईजीहरू विनोद घिमिरे, ओमबहादुर राना र गोविन्द थपलियालाई सरुवा गरेको हो ।

योसँगै मधेस प्रदेश र सुदूरपश्चिम प्रदेशले नयाँ प्रहरी प्रमुख पाएको छ । यी दुवै प्रदेशका पहिलाका प्रमुख एआईजीमा बढुवा भएपछि नयाँ डीआईजीहरूलाई खटाइएको हो ।

मधेस प्रदेशमा सीआईबीमा कार्यरत डीआईजी गोविन्द थपलियालाई जिम्मेवारी दिइएको छ । यस्तै काठमाडौँ उपत्यका प्रहरी कार्यालयका डीआईजी ओमबहादुर रानालाई सुदूरपश्चिमको जिम्मेवारी दिइएको छ ।

यसअघि मधेसमा उमाप्रसाद चतुरवेदी र सुदूरपश्चिममा डम्बरबहादुर विक कार्यरत थिए । उनीहरू दुवै जना एआईजीमा बढुवा भएका छन् । यस्तै केन्द्रीय प्रवक्ताको जिम्मेवारीमा रहेका विनोद घिमिरेलाई प्रबन्ध निर्देशनालयमा जिम्मेवारी तोकिएको छ ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

प्रहरीका तीन डीआईजीको सरुवा, रानालाई सुदूरपश्चिमको जिम्मेवारी