Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शनिवार , कार्तिक ८, २०८२
काठमाडौं । पछिल्लो २४ घण्टामा विपद्जन्य घटनामा परेर तीन जनाको मृत्यु भएको छ ।
झापा, धनुषा र महोत्तरीमा गरी तीनजनाको मृत्यु भएको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ ।
प्राधिकरणकी प्रवक्ता शान्ति महतका अनुसार, झापाको शिवसताक्षी नगरपालिकास्थित लालपानीमा खेलिरहेका बेला खुट्टामा गोमन सर्पले डस्दा एक पाँच वर्षीय बालकको मृत्यु भएको छ । उपचारका निम्ति सर्पदंश केन्द्र चारआली लैजाने क्रममा उनको मृत्यु भएको हो ।
यस्तै, धनुषाको जनकपुरधाम उपमहानगरपालिका–४, क्याम्पस चोकका ४३ वर्षीया एक महिलाको मृत्यु भएको छ । लक्ष्मीपूजाको दिन बालिएको दियोमा पुनः तेल हाल्ने क्रममा अचानक कपडामा आगो सल्किँदा घाइते भएपछि उपचारका क्रममा कीर्तिपुरस्थित बर्न अस्पतालमा उनको मृत्यु भएको प्राधिकरणले जनाएको छ ।
महोत्तरीको बर्दिवास नगरपालिका—१, संगमटोलस्थित एउटा घरमा ग्यास चुहावट भई आगलागी हुँदा ६५ वर्षीय एक पुरुषको मृत्यु भएको छ ।
आगलागीमा परी शरीरको ९० प्रतिशत भाग जलेका उनलाई उद्धार गरी हेलिकोप्टरमार्फत काठमाडौं ल्याइएकामा कीर्तिपुरस्थित बर्न अस्तपालमा उपचारका क्रममा मृत्यु भएको प्राधिकरणले जनाएको छ ।
पछिल्लो २४ घण्टामा १६ विपद्जन्य घटना र विभिन्न ठाउँमा तीनजना घाइते भएका पनि प्राधिकरणले शनिबार जारी गरेको बुलेटिनमा उल्लेख छ ।
© 2026 All right reserved to onlinenepal.com
Design & Developed By
