Jul 13 2026 | २०८३, आषाढ २९ गते
13 Jul 2026 | सोमवार, आषाढ २९ गते २०८३
सोमवार, आषाढ २९ गते २०८३
Jul 13 2026 | २०८३, आषाढ २९ गते
13 Jul 2026 | सोमवार, आषाढ २९ गते २०८३
आइतवार , आषाढ २८, २०८३
सिरहा । सिरहाको गोलबजार नगरपालिका–७ स्थित पुरानो चौक चोहर्वामा पानी जमेको खाल्डोमा डुबेर एकै परिवारका तीन जना बालबालिकाको मृत्यु भएको छ ।
जिल्ला प्रहरी कार्यालय सिरहाका अनुसार मृत्यु हुनेमा रौतहटको जिगरवा स्थायी घर भई लामो समयदेखि गोलबजार–७ मा बसोबास गर्दै आएका अवास शेखका १२ वर्षीया छोरी सबनम खातुन, १० वर्षीया रुबिना खातुन र ७ वर्षीय छोरा साइफुल शेख रहेका छन्।
प्रहरीका अनुसार कवाडी संकलन गरेर जीविकोपार्जन गर्दै आएका अवास शेखका पाँच सन्तानमध्ये तीन जना आइतबार दिउँसो करिब २:३० बजे घरबाट खेल्न निस्किएका थिए।
खेल्ने क्रममा उनीहरू पशु हाटबजार परिसरमा गाई–भैंसीलाई पानी खुवाउन बनाइएको खाल्डोमा जमेको पानीमा नुहाउने क्रममा डुबेका हुन्।
स्थानीयवासी र सुरक्षाकर्मीले तत्काल उद्धार गरी उपचारका लागि अस्पताल पुर्याए पनि चिकित्सकले तीनै जनालाई मृत घोषणा गरेका थिए।
घटनाबारे थप अनुसन्धान भइरहेको जिल्ला प्रहरी कार्यालय सिरहाले जनाएको छ।
© 2026 All right reserved to onlinenepal.com
Design & Developed By
