Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार , कार्तिक १४, २०८२
काठमाडौं । दक्षिण अफ्रिकाका फाप डु प्लेसिसले दोस्रो संस्करणको नेपाल प्रिमियर लिग (एनपीएल) खेल्ने भएका छन् ।
विराटनगरले शुक्रबार सामाजिक सञ्जालमार्फत डू प्लेसिसलाई सार्वजनिक गरेको हो ।
दक्षिण अफ्रिकाका पूर्वकप्तानसमेत रहेका डू प्लेसिससँग विश्वभरका फ्रेन्चाइज क्रिकेट लिग खेलेको अनुभव छ । उनले इन्डियन प्रिमियर लिग (आईपीएल) मा रोयल च्यालेन्जर्स बेंगलुरुबाट २०२२ देखि २०२४ सम्म प्रतिस्पर्धा गरेका थिए ।
४१ वर्षीय डु प्लेसिसले सन् २०११ देखि २०२२ सम्म दक्षिण अफ्रिकाको राष्ट्रिय टोलीबाट खेलेका थिए । उनले दक्षिण अफ्रिकाका लागि ६९ टेष्ट, १४३ एकदिवसीय र ५० टी-२०आई खेल खेलेका छन् ।टेष्टमा ४ हजार १६३, ओडिआईमा ५ हजार ५०७ र टी-२०आईमा १ हजार ५२८ रन बनाएका छन् । उनले टेष्टमा १० शतक र २१ अर्धशतक प्रहार गरेका छन् । ओडिआईमा १२ शतक र ३५ अर्धशतक तथा टी-२०आईमा एक शतक र १० अर्धशतक प्रहार गरेका छन् ।
सन्दीप लामिछाने मार्की खेलाडी रहेको विराटनगरले यसअघि अस्ट्रेलियाका ब्याटर साम हिजलेट र स्कटल्यान्डका ब्याटर जर्ज मुन्सेलाई भित्र्याएको थियो ।
एनपीएलको दोस्रो संस्करण मंसिर १ गतेदेखि २७ गतेसम्म आयोजना हुने तालिका छ ।
© 2026 All right reserved to onlinenepal.com
Design & Developed By
