धनगढी। कैलालीको धनगढीमा एमाले नेता महेश बस्नेत पुग्दा तनाव भएको छ ।
बस्नेतको विरोधमा प्रदर्शन गरिरहेका जेनजी युवा र एमाले निकट युवा संघका कार्यकर्ताहरुबीच झडप हुँदा तनाव भएको हो
बस्नेतलाई धनगढी विमानस्थलमा स्वागत गरेर कार्यक्रमस्थलमा लग्ने क्रममा जेनजी मार्गनजिक युवाहरुले प्रदर्शन गरिरहेका थिए । जेनजीको प्रदर्शनस्थलमा मोटरसाइकल याली रोकेर एमाले निकट युवा संघका कार्यकर्ताहरुले प्रहरीको सुरक्षा घेरा तोड्दै जेनजी प्रदर्शनकारीमाथि आक्रमण गरेका हुन् ।
सो क्रममा केहि जेनजी युवाहरु घाईते भएका छन्। उनीहरुको अहिले धनगढीस्थित निसर्ग अस्पतालमा उपचार भइरहेको छ। । बस्नेत युवा संघको राष्ट्रिय जागरण भेलालाई सम्बोधन गर्न धनगढी आएका हुन् ।
जेनजी आन्दोलनपछि युवाहरु बस्नेतको विरोधमा निरन्तर प्रदर्शनहरू गरिरहेका छन् ।
यसअघि गत ४ मंसिरमा बारा, ७ मंसिरमा विराटनगरमा र मंगलबार मात्रै सुर्खेतमा केही युवाले बस्नेत सहभागी कार्यक्रमलाई लक्षित गर्दै विरोध प्रदर्शन गरेका थिए।
जेनजी समूहले ठाउँठाउँमा अवरोध गर्न खोजेपछि बाक्लो संख्यामा सुरक्षाकर्मी परिचालन गरिएका छन ।