Jul 21 2026 | २०८३, श्रावण ५ गते
21 Jul 2026 | मंगलवार, श्रावण ५ गते २०८३
मंगलवार, श्रावण ५ गते २०८३
Jul 21 2026 | २०८३, श्रावण ५ गते
21 Jul 2026 | मंगलवार, श्रावण ५ गते २०८३
बुधवार , मंसिर १०, २०८२
काठमाडौं । कुलमान घिसिङ अग्रसरता रहेको उज्यालो नेपाल पार्टी र खगेन्द्र सुनार नेतृत्वको हाम्रो पार्टी नेपालबीच साझा चुनाव चिह्नमा सहमति भएको छ ।
उज्यालो नेपाल पार्टीको चुनाव चिह्न ‘चिम’ लाई साझा चुनाव चिह्न बनाएर निर्वाचनमा भाग लिने सहमति भएको हो ।
कुलमानको उज्यालो नेपालले बिजुलीको चिम र खगेन्द्रको हाम्रो नेपालले ‘लाइक’ चुनाव चिह्न निर्वाचन आयोगबाट लिएका थिए ।
आयोगको एउटै चुनाव चिह्नमा फरक फरक पार्टीहरुले लड्न पाउने व्यवस्था अनुसार उनीहरुले साझा चुनाव चिह्न माग गरेका हुन् ।योसंगै हाम्रो पार्टी नेपालले पनि आगामी निर्वाचनमा बिजुलीको चिम चुनाव चिह्नमा उम्मेदावरी दिन निर्वाचन आयोगमा निवेदन दिएको छ ।
वैकल्पिक शक्तिहरू एकताबद्ध हुँदै निर्वाचनमा जाने प्रयास स्वरूप अन्य दलहरूसँग पनि सहकार्यका लागि छलफल चलिरहेको उज्यालो नेपाल पार्टीका प्रवक्ता राजु थापाले बताए ।
साझा चुनाव चिह्नमा भएको समझदारीसहित पार्टीको आगामी योजनाबारे जानकारी दिन बुधबार नै राजधानीमा पत्रकार सम्मेलनको आयोजना गरिएको थापाले बताए ।
प्रतिनिधिसभा निर्वाचन फागुन २१ का लागि तोकिएको छ ।
© 2026 All right reserved to onlinenepal.com
Design & Developed By
