काठमाडौँ । नेपाली कम्युनिस्ट पार्टी र जनता समाजवादी पार्टी (जसपा) को राजेन्द्र श्रेष्ठ समूहबीच आज एकताको औपचारिक घोषणा हुने भएको छ ।
काठमाडौँको प्रदर्शनीमार्गस्थित राष्ट्रियसभा गृहमा दिउँसो १ बजे एकता घोषणा हुने भएको हो ।
एकता समारोहमा नेपाली कम्युनिस्ट पार्टी र जसपा एकीकरण पक्षधर समूहका शीर्ष नेताहरूले सम्बोधन गर्ने जनाइएको छ ।
गत आइतबार जसपाबाट सङ्घीय परिषद् अध्यक्ष राजेन्द्र श्रेष्ठलगायत ६ नेताहरू नेकपामा समाहित भइसकेका छन् ।