Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार , मंसिर १२, २०८२
काठमाडौं । प्रधानमन्त्री सुशीला कार्कीले आगामी निर्वाचन एक थोपा रगत नबग्नेगरी काम गर्न निर्देशन दिएकी छिन् ।
नेपाली सेनाको मुख्यालय जंगी अड्डामा भएको कार्यक्रममा सम्बोधन गर्दै नेपाली सेनालाई यस्तो निर्देशन दिएकी हुन् ।
सुरक्षा संवेदनशीलताका आधारमा सबै सुरक्षा निकायहरूसँगको समन्वयात्मक र त्रुटिरहित ढंगले काम गर्न निर्देशन दिँदै प्रधानमन्त्री कार्कीले भनिन्- 'मैले यसअघि पनि भन्दै आएको छु कि आगामी चुनावमा एक थोपा पनि रगत बग्नु हुँदैन र एक जना पनि घाइते हुनुहुँदैन ।'
साथै, उनले जेनजी आन्दोलनको क्रममा लुटिएका हातहतियारको खोजी तथा फरार अपराधी पक्रन कुनै कसर बाँकी नराखी खटिन् पनि सेनालाई आग्रह गरिन् ।
कार्यक्रममा गृहमन्त्री ओमप्रकाश अर्याल, कानुनमन्त्री अनिलकुमार सिन्हा, मुख्यसचिव सुमनराज अर्याल, प्रधान सेनापति अशोकराज सिग्देल लगायत उच्च पदस्थहरू उपस्थित थिए ।
प्रधानमन्त्रीको निर्देशन :
जनतालाई सुरक्षाको स्पष्ट प्रत्याभूति दिने, प्रहरी कारबाहीलाई सहज बनाउन सहयोग गर्ने र सबै राजनीतिक दलका गतिविधि बिनाअवरोध सञ्चालन हुने वातावरण तयार गर्न कार्ययोजनासहित अघि बढ्नू ।
आगामी चुनावमा एक थोपा पनि रगत बग्नु हुँदैन, एक जना पनि घाइते हुनु हुँदैन । सुरक्षा संवेदनशीलताका आधारमा समन्वयात्मक र त्रुटिरहित ढंगले काम गर्नू ।
जेन-जी आन्दोलनका क्रममा लुटिएका वा हराएका हातहतियार पत्ता लगाउन, फरार आरोपित पक्राउ गर्न र स्थिति सामान्य बनाउन प्रहरीलाई पूर्ण सहयोग गर्नू ।
© 2026 All right reserved to onlinenepal.com
Design & Developed By
