काठमाडौं । नेकपा एमालेका महासचिव शंकर पोखरेलले राष्ट्रवादी शक्तिमाथि प्रहार जारी रहेको भन्दै नेतृत्वमा एकता अत्यावश्यक भएको बताएका छन् ।
शनिबारबिहान सामाजिक सञ्जालमार्फत उनले यस्तो बताएका हुन् । उनले एकताबद्ध भएर अगाडि बढ्दा संकट पार लाग्ने बताए ।
‘मुलुक संकटमा छ, राष्ट्रवादी शक्तिमाथि प्रहार जारी छ। यस्तो अवस्थामा नीतिमा दृढता र नेतृत्वमा एकता अत्यावश्यक छ। अघि बढौं– सम्भव छ,’ महासचिव पोखरेलले भने ।
नेकपा एमालेको ११ औं राष्ट्रिय महाधिवेशन मंसिर २७–२९ गते काठमाडौं उपत्यकामा हुँदैछ । महाधिवेशनका लागि आज एकैदिन देशभर प्रतिनिधि चयन हुँदैछ।