काठमाडौँ । कांग्रेस सुधार अभियान (यु–४०) ले देशका ७७ वटै जिल्लामा संयोजक तोकेको घोषणा गरेको छ ।
अभियानको केन्द्रीय संयोजन समितिका सदस्य शिव रिमालले शुक्रबार जारी गरेको विज्ञप्तिमार्फत नयाँ संरचना सार्वजनिक गरेका हुन् ।
अभियानले पार्टीभित्र अवसरको न्यायोचित वितरण तथा नेतृत्व तहसम्म युवाहरूको पहुँच सुनिश्चित गर्न लामो समयदेखि दबाब दिँदै आएको छ।
विशेषतः पार्टीको प्रत्येक तहमा, साथै प्रतिनिधिसभा, प्रदेशसभा र स्थानीय तहका निर्वाचनमा ४० वर्षमुनिका व्यक्तिहरूलाई कम्तीमा ४० प्रतिशत प्रतिनिधित्व दिलाउन अभियानले निरन्तर माग गर्दै आएको छ।
यु–४० अभियानले पार्टी र सरकारी निकायमा देखिएका अनियमितता तथा भ्रष्टाचारविरुद्ध कडा खबरदारी गर्दै आएको छ।


