भारतले जित्यो दक्षिण अफ्रिकासँगको एकदिवसीय क्रिकेट शृङखला

अनलाइन नेपाल

आइतवार , मंसिर २१, २०८२

काठमाडौं । दक्षिण अफ्रिकासँगको एकदिवसीय अन्तर्राष्ट्रिय क्रिकेट शृङखला भारतले २–१ ले जितेको छ ।

गएराति भएको तेस्रो तथा निर्णायक खेलमा घरेलु टोलीले दक्षिण अफ्रिकालाई ९ विकेटले पराजित गर्दै शृङ्खला जितेको हो ।

दक्षिण अफ्रिकाले दिएको २ सय ७१ रनको लक्ष्य पछ्याएको भारतले ३९ ओभर ५ बलमै १ विकेट गुमाएर भेटायो ।

भारतका ओपनर यशस्वी जैसवालले अविजित १ सय १६ रनको शतकीय पारी खेले । दक्षिण अफ्रिकाका केशव महाराजले १ विकेट लिए ।

त्यसअघि विशाखापट्टनममा टस हारेर ब्याटिङ गरेको दक्षिण अफ्रिका ४७ ओभर ५ बलमा २ सय ७० रनमा अलआउट भयो ।

दक्षिण अफ्रिकाका क्विन्टन डे ककले १ सय ६ रनको शतकीय पारी खेले पनि टोलीलाई जिताउन सकेनन् । भारतका भारतका प्रसिद्ध कृष्णले ४ विकेट लिए ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

एसियन गेम्समा नेपालको लगातार दोस्रो जित, समूह विजेता बन्दै सेमिफाइनलमा