दक्षिण अफ्रिकामा अज्ञात हतियारधारीले गोली चलाउँदा ९ जनाको मृत्यु, १० घाइते

अनलाइन नेपाल

आइतवार , पौष ६, २०८२

दक्षिण अफ्रिकामा अज्ञात हतियारधारीले गोली चलाउँदा ९ जनाको मृत्यु, १० घाइते

एजेन्सी । दक्षिण अफ्रिकाको जोहान्सबर्ग नजिकैको बेक्कर्सडालमा शनिबार बिहान अज्ञात हतियारधारीहरूले एक बारमा गोली चलाउँदा ९ जनाको मृत्यु भएको छ भने १० जना घाइते भएका छन् ।

पुलिसका अनुसार आक्रमणकारी दुईवटा सवारीसाधनमा बारमा पुगेका थिए ।

बारमा पुगेर ग्राहकमाथि अनियन्त्रित रूपमा गोली चलाएका थिए । उक्त घटनामा परि ९ जनाको मृत्यु र १० जना घाइते भएका हुन् । आक्रमणकारीहरूको खोजी अभियान जारी रहेको बताइएको छ ।

दक्षिण अफ्रिका लामो समयदेखि अपराध र भ्रष्टाचारको सामना गर्दै आएको छ । देशमा गोलीकाण्ड सामान्य घटना हुन् र प्रायः हिंसा अवैध व्यवसाय प्रतिस्पर्धाका कारण हुने गर्छन् ।

यसअघि, डिसेम्बर ६ मा प्रिटोरियासँग नजिकैको सोल्सभिल टाउनशिपको होस्टलमा गोलीकाण्डमा १२ जनाको मृत्यु भएको थियो ।

त्यहाँ अवैध मदिरा बिक्री हुने स्थानमा आक्रमण भएको पुष्टि भएको थियो ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

दक्षिण अफ्रिकामा अज्ञात हतियारधारीले गोली चलाउँदा ९ जनाको मृत्यु, १० घाइते