Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
बुधवार , पौष २, २०८२
एजेन्सी । अस्ट्रेलियाको सिड्नीस्थित बन्डी बीचमा डिसेम्बर १४ मा भएको घातक हमलाका मुख्य आरोपी साजिद अकरम दक्षिण भारतीय सहर हैदराबादका बासिन्दा रहेको खुलेको छ ।
भारतको तेलङ्गाना प्रहरीले साजिद भारतीय नागरिक भएको पुष्टि गर्दै भारतमा उनको कुनै आपत्तिजनक वा कट्टरपन्थी गतिविधिसम्बन्धी रेकर्ड नदेखिएको जनाएको छ ।
तेलङ्गाना प्रहरीले जारी गरेको विज्ञप्तिमा साजिदका परिवारसँग सीमित सम्पर्क मात्र रहेको र उनका कट्टरपन्थी विचार वा गतिविधिबारे परिवारलाई कुनै जानकारी नभएको उल्लेख गरिएको छ।
प्रहरीका अनुसार साजिद सन् १९९८ मा अस्ट्रेलिया गएपछि अहिलेसम्म छ पटक भारत आएका थिए, ती भ्रमणहरू प्रायः पारिवारिक कारणले भएको बताइएको छ।
प्रहरीले सिड्नीमा भएको गोलीकाण्डमा संलग्न भनिएका बाबुछोरा साजिद र नावेद अकरमको कट्टरपन्थी सोचसँग भारत वा तेलङ्गानासँग प्रत्यक्ष सम्बन्ध नदेखिएको स्पष्ट पारेको छ। भारतभित्र उनीहरूविरुद्ध कुनै आपराधिक गतिविधिको तथ्य फेला नपरेको पनि प्रहरीले जनाएको छ।
यसैबीच, अस्ट्रेलियाली प्रहरीले साजिद र उनका छोरा नावेद गत महिना फिलिपिन्स गएको पुष्टि गरेको छ। प्रहरीका अनुसार साजिद भारतीय राहदानीमा र नावेद अस्ट्रेलियाली राहदानीमा यात्रा गरिरहेका थिए।
यद्यपि, उनीहरूको यात्राको उद्देश्य अझै स्पष्ट नभएको र कुनै आतंकवादी संगठनसँग प्रत्यक्ष सम्बन्ध वा तालिम लिएको पुष्टि नभएको अधिकारीहरूले बताएका छन्। डिसेम्बर १४ मा भएको उक्त हमलामा १५ जनाको ज्यान गएको थियो।
© 2026 All right reserved to onlinenepal.com
Design & Developed By
