Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शनिवार , माघ ३, २०८२
काठमाडौँ । पूर्वप्रधानमन्त्री डा. बाबुराम भट्टराईले नेपाली कांग्रेस गगन थापाको नेतृत्वमा पुगेपछि अब विचार, नीति, कार्यक्रम, संगठनात्मक प्रणाली र आचरणसम्मै व्यापक पुनर्संरचना र रूपान्तरण आवश्यक रहेको बताएका छन्।
निर्वाचन आयोगले गगन थापा नेतृत्वको कांग्रेसलाई आधिकारिक मान्यता दिएपछि सामाजिक सञ्जालमार्फत प्रतिक्रिया जनाउँदै भट्टराईले नवनिर्वाचित सभापति थापा र उनको टिमलाई बधाई तथा शुभकामना दिएका हुन्।
भट्टराईले लेखेका छन्, ‘निर्वाचन आयोगको यो निर्णयसँगै नेपाली कांग्रेसका नवनिर्वाचित सभापति गगनकुमार थापा र टिमलाई हार्दिक बधाइ तथा सफलताको शुभकामना। देशको उदारवादी लोकतान्त्रिक धारको पुरानो पार्टी कांग्रेसको यो विधिसम्मत नेतृत्व पुस्तान्तरणले अरू दलहरूमा पनि सकारात्मक प्रभाव पारोस्।’
उनले बहुदलीय लोकतन्त्रको मर्म दलहरूबीच प्रतिस्पर्धा र सहकार्य दुवैको सन्तुलित अभ्यासमा निहित रहेको उल्लेख गरेका छन्। लोकतन्त्रलाई सुदृढ बनाउने हो भने दलहरूबीच स्वस्थ प्रतिस्पर्धासँगै आवश्यक सहकार्य अपरिहार्य हुने उनको धारणा छ।
‘बहुदलीय लोकतन्त्र भनेको दलहरूबीच प्रतिस्पर्धा र सहकार्य दुवैको उचित समन्वय हो भन्ने सबैमा हेक्का रहोस्,’ भट्टराईले भनेका छन्, ‘साथै दलहरूको नेतृत्व मात्र होइन, विचार, नीति, कार्यक्रम, संगठनात्मक प्रणाली र आचरण समेतको पुनर्संरचना र रूपान्तरण समयको माग हो भन्ने कुरा सबै नयाँ–पुराना पार्टीहरूले आत्मसात गर्नुपर्छ।’
© 2026 All right reserved to onlinenepal.com
Design & Developed By
