काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने खुट्टामा संक्रमण देखिएपछि अस्पताल भर्ना भएका छन्।लामिछानेलाई महाराजगञ्जस्थित टिचिङ हस्पिटलमा भर्ना गरिएको हो ।
गत माघ ५ गते जनकपुरमा आयोजित एक कार्यक्रममा सहभागी हुने क्रममा लामिछानेको देब्रे खुट्टामा सामान्य चोट लागेको थियो ।
सोही चोट समयसँगै बढ्दै गएर हाल छालाको भित्री तहसम्म संक्रमण पुगेको छ ।
चिकित्सकहरूले संक्रमण जोखिमयुक्त हुन सक्ने भन्दै केही दिन अस्पतालमै राखेर निगरानी गर्नुपर्ने सुझाव दिएपछि उनलाई भर्ना गरिएको सचिवालयले जनाएको छ ।