Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
बुधवार, श्रावण ६ गते २०८३
Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
बुधवार , चैत्र ४, २०८२
काठमाडौं। पितृ शोकमा रहेका एमाले अध्यक्ष एवम पूर्वप्रधानमन्त्री केपी शर्मा ओलीलाई राष्ट्रिय स्वतन्त्र पार्टीका उपसभापति डोल प्रसाद अर्यालले समवेदना दिएका छन् ।
काठमाडौं क्षेत्र नम्बर ९ बाट निर्वाचित प्रतिनिधि सभा सदस्य समेत रहेका अर्याल आज ओलीलाई भेट्न भक्तपुरस्थित गुण्डु निवास पुगेका हुन्।
ओलीका पिता ९७ वर्षीय मोहनप्रसाद ओलीको केही दिनअघि निधन भएको थियो ।
अर्यालले पितृ शोकमा रहेका ओली परिवारप्रति समवेदना व्यक्त गर्दै दिवंगत मोहन प्रसादको तस्बिरमा माल्यार्पण गरी श्रद्धाञ्जली अर्पण गरेका छन् । सो अवसरमा उनले शोकग्रस्त परिवारप्रति हार्दिक समवेदना प्रकट गरेका छन्।
शोकमा रहेका ओली र उनको परिवारलाई समवेदना दिन शीर्ष नेताहरु ओली निवास गुण्डु पुगिरहेका छन् ।
मंगलबार निवासमै पुगेर राष्ट्रपति रामचन्द्र पौडेलले ओली र परिवारलाई समवेदना दिएका थिए ।
केही दिनअघि प्रधानमन्त्री सुशीला कार्की र पूर्व राष्ट्रपति विद्यादेवी भण्डारीले समेत निवासमै पुगेर ओलीलाई समवेदना दिएका थिए।
© 2026 All right reserved to onlinenepal.com
Design & Developed By
