तीन दिनपछि सञ्चालनमा आयो बीपी राजमार्ग

अनलाइन नेपाल

सोमवार , बैशाख १४, २०८३

काभ्रे । लगातारको वर्षापछि तीन दिनदेखि अवरुद्ध बीपी राजमार्ग सञ्चालनमा आएको छ ।

शनिबार रोशी खोलामा आएको बाढीले चौकीडाँडा, घुमाउने, चारसय बेँसी, गिम्दी बेँसी, नार्के, चिउरीबास, बोक्सीकुना, कालढुंगा, डालाबेँशी, बुलढुंगा तथा माम्तीमा डाइभर्सन बगाएको थियो भने सिन्धुलीतर्फ आँपघारी र नेपालथोकमा डाइभर्सन बगाएको थियो ।

त्यसपछि सडकमा पहिरो तथा दुर्घटनाको जोखिम बढेकाले यात्रु सुरक्षालाई प्राथमिकता दिँदै राजमार्ग बन्द गरिएको थियो ।

जसकारण यसक्षेत्रमा चल्ने सवारीलाई मंगलटारमै रोकिएका थिए।

सडक डिभिजन कार्यालय र ठेकेदार कम्पनीको सहयोगमा क्षतिग्रस्त डाइभर्सन ३ दिन लगाएर मर्मत गरिएपछि यातायात पुनः सञ्चालनमा ल्याइएको हो ।

गत वर्ष असोजमा आएको बाढीले सो क्षेत्रमा सडक बगाएको थियो भने गएको चैतमा पनि बाढीका कारण सडक पुनः क्षतिग्रस्त भएको थियो ।

उक्त स्थानमा रोशी खोलामाथि अस्थायी ‘डाइभर्सन’ बनाएर सवारी सञ्चालन हुँदै आएको छ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

तीन दिनपछि सञ्चालनमा आयो बीपी राजमार्ग