Jul 27 2026 | २०८३, श्रावण ११ गते
27 Jul 2026 | सोमवार, श्रावण ११ गते २०८३
सोमवार, श्रावण ११ गते २०८३
Jul 27 2026 | २०८३, श्रावण ११ गते
27 Jul 2026 | सोमवार, श्रावण ११ गते २०८३
बुधवार , श्रावण ६, २०८३
काठमाडौं । भ्रष्टाचार र अनियमितताका घटना सार्वजनिक भइरहने वीर अस्पतालमा पछिल्लो समय अर्को घटना सार्वजनिक भएको छ । मेडिकल माफियासँगको मिलेमतोमा अवैध सम्पत्ति आर्जन गरेको आरोपमा कार्डियोलोजिस्ट कन्सल्ट्यान्ट डा. दिपक कुमार मिश्रविरुद्ध विभिन्न निकायमा उजुरी परेको छ ।
अख्तियार दुरुपयोग अनुसन्धान आयोगलगायत विभिन्न निकायमा परेको उजुरीमा डा. मिश्रविरुद्ध निमित्त निर्देशकलााई नै दबाब दिएर अवैध सम्पत्ति आर्जन तथा गैरकानूनी लगानी गरेको उल्लेख गरिएको छ ।
साथै उजुरीमा डा. मिश्रले आफ्नो अधिकारक्षेत्रबाहिर गएर खरिद, लेखा, प्रशासन र स्टोरमा हस्तक्षेप गर्ने गरेको उल्लेख गरिएको छ । उनले मेडिकल माफियासँगको मिलेमतोमा अस्पतालका लागि आवश्यक पर्ने विभिन्न खरिदहरुमा बिचौलियाको भूमिका निर्वाह गरी करोडौं रुपैयाँ असुली गरेको उल्लेख गरिएको छ ।
डा. मिश्रविरुद्ध प्रधानमन्त्री कार्यालय, स्वास्थ्य मन्त्रालय, राष्ट्रिय सतर्कता केन्द्र, सम्पत्ति शुद्धिकरण विभाग, अख्तियार दुरुपयोग अनुसन्धान आयोगलगायतका निकायमा छानबिन तथा कारबाहीको माग गरिएको छ ।
साथै उनले श्रीमतीको नाममा गैरकानूनी संस्था स्थापना गरी विभिन्न मेडिकल उपकरण तथा सामाग्रीहरुको खरिदमा अनियमितता गरेको पनि उजुरीमा दावी गरिएको छ ।
त्यतिमात्रै होइन डा. मिश्रले लेखा तथा खरिद शाखामा अनावश्यक दबाब दिई विभिन्न सामाग्रीको खरिदको भुक्तानीमा कमिशन लिने गरेको पनि उल्लेख गरिएको छ ।
उजुरीको विषयमा प्रतिक्रियाका लागि डा. मिश्रसँग सम्पर्क गर्दा उनीसँग सम्पर्क हुन सकेन ।
© 2026 All right reserved to onlinenepal.com
Design & Developed By
