Jul 27 2026 | २०८३, श्रावण ११ गते
27 Jul 2026 | सोमवार, श्रावण ११ गते २०८३
सोमवार, श्रावण ११ गते २०८३
Jul 27 2026 | २०८३, श्रावण ११ गते
27 Jul 2026 | सोमवार, श्रावण ११ गते २०८३
सोमवार , श्रावण ११, २०८३
काठमाडौं। साताको पहिलो कारोबार दिन आज (सोमबार) नेप्से दोहोरो अंकले घटेको छ।
दिनभर उतारचढाव रहेको नेप्से अन्तत: ३३.२८ अंकले घटेर बन्द भएको हो ।
अघिल्लो कारोबार दिनको तुलनामा आज १.२१ प्रतिशतले घट्दै नेप्से २७०१.३२ विन्दुमा रोकिएको छ।
अघिल्लो कारोबार दिनको तुलनामा कारोबार रकम पनि घटेको छ।
नेप्सेमा आज ३६० कम्पनीको ६९ हजार ८०३ पटकको कारोबारमा एक करोड ३९ लाख २५ हजार ३३७ कित्ता सेयर किनबेच भए। जसअनुसार सोमबार ६ अर्ब आठ करोड आठ लाख ६३ हजार २५४ रुपैयाँको कारोबार भयो।
यसैगरी ३६ कम्पनीका सेयरमूल्य बढे। २३४ कम्पनीका सेयरमूल्य ओरालो लाग्दा पाँच कम्पनीका सेयरमूल्य स्थिर रहे भने १३ समूहको कारोबार भएकामा बैंकिङ र म्युचुअल फन्ड समूहको सूचक बढ्दा बाँकी ११ समूहका सूचक घटे।
जसअनुसार नेप्सेमा सोमबार वाणिज्य बैंक समूहको सूचक ०.१० प्रतिशतले बढ्यो। विकास बैंक १.८२‚ फाइनान्स ०.७०‚ होटेल तथा पर्यटन २.२२‚ जलविद्युत् १.९०‚ लगानी ०.७०‚ जीवन बिमा १.२५‚ उत्पादन तथा प्रशोधन २.३० र लघुवित्त समूहको सूचक १.२७ प्रतिशतले घट्यो।
म्युचुअल फन्ड समूहको सूचक ०.१५ प्रतिशतले बढ्दा निर्जीवन बिमा १.२१‚ अन्य १.६९ र व्यापार समूहको उपसूचक २.२३ प्रतिशतले घट्यो।
नेप्सेमा आज एभरेस्ट कलर लिमिटेडका लगानीकर्ताले १४.९९ प्रतिशतले आम्दानी गरे। यस्तै आत्मनिर्भर लघुवित्त वित्तीय संस्था लिमिटेडका लगानीकर्ताले १३.३८ प्रतिशतले सेयरमूल्य गुमाए।
कारोबार रकमका आधारमा रिलायन्स स्पिनिङ मिल्स लिमिटेड अग्रस्थानमा रह्यो। सोमबार यसको ३३ करोड ८६ लाख ६६ हजार ५८१ रुपैयाँको कारोबार भयो।
त्यस्तै कारोबार भएका सेयर संख्याका आधारमा आज ग्लोबल आईएमई बैंक लिमिटेड अगाडि रह्यो।
सोमबार यसको १० लाख ८९ हजार २३१ कित्ता सेयर कारोबार भयो। यसको आज अन्तिम कारोबार मूल्य प्रतिकित्ता २५५ रुपैयाँ कायम रह्यो।
© 2026 All right reserved to onlinenepal.com
Design & Developed By
