काठमाडौं । पछिल्लो २४ घण्टामा नेपालमा थप ७० जनामा कोरोना भाइरस (कोभिड–१९) को संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार २५ वटा प्रयोगशालामा विगत २४ घण्टामा ३ हजार ६ सय ४८ जनाको पिसिआर विधिबाट परीक्षण गर्दा जम्मा ७० जनामा संक्रमण पुष्टि भएको हो ।

डा. गौतमका अनुसार थप ४ सय ३१ जना कोरोना निको भएर घर फर्किए भने अहिलेसम्म कोरोना निको हुनेको संख्या ८ हजार ४ सय ४२ पुगेको छ ।

याेसँगै हालसम्म कोरोना संक्रमित संख्या १६ हजार सात सय १९ पुगेको छ भने नेपालमा कोरोनाबाट अहिलेसम्म ३८ जनाको मृत्यु भएको छ।

अर्को पनि पढ्नैपर्ने

कोरोनाका कारण काठमाडौंका २ सहित ३ जनाको मृत्यु, मृतकको संख्या ३८ पुग्यो

डा. गाैतमका अनुसार अहिले क्वारेन्टाइनमा २४ हजार ९७ जना रहेका छन् । आइसोलेसन आठ हजार दुई सय ३९ जनाको उपचार भइराखेको छ । पछिल्लो २४ घण्टामा चार सय ३१ जनाले कोरोना जितेका छन् । कोरोना जित्नेको कुल संख्या आठ हजार चार सय ४२ रहेको छ । मन्त्रालयका प्रवक्ता डा. गौतमका अनुसार कोरोना जित्नेको संख्या ५० प्रतिशत बढी पुगेको छ ।