काठमाडाैं । अख्तियार दुरूपयोग अनुसन्धान आयोगका प्रमुखलाई कोरोना भाइरसको संक्रमण पुष्टि भएको छ । मंगलबार गरिएको परीक्षणका क्रममा प्रमुख आयुक्तलाई कोरोना भाइरसको संक्रमण पुष्टि भएको हो ।

राष्ट्रिय जनस्वास्थ्य प्रयोगशालामा गरिएको परीक्षणमा नेपालमा पहिलोपटक संवैधानिक अंगका प्रमुखमा कोरोना भाइरसको संक्रमण पुष्टि भएको हो । केही दिनअगाडि आयोगका प्रमुखका सुरक्षाकर्मीलाई कोरोना संक्रमण पुष्टि भएको थियो ।

प्रमुख आयुक्त अहिले घरमै आइसाेलेसनमा बसिरहेका छन् । अख्तियारमा मात्र ५० जना भन्दा बढी कर्मचारी कोरोनाबाट संक्रमित भएका छन् ।