जनकपुर । जिल्ला प्रहरी कार्यालय धनुषाले हुण्डी कारोबारमा संलग्न दुई जनालाई पक्राउ गरेको छ ।

पक्राउ पर्नेमा महोत्तरी निवासी टेन्ट व्यवसायी सञ्जय साह र भारत पिपरौन निवासी सुमित यादव रहेको धनुषा प्रहरीले जनाएको छ ।

उनीहरुलाई भारतीय नम्बर प्लेटको मोटरसाइकलबाट हुण्डी रकमसहित पक्राउ गरिएको प्रहरीले जनाएको छ ।

जिल्ला प्रहरी कार्यालय धनुषाबाट खटेको प्रहरी टोलीले गोप्य सूचनाको आधारमा जटही नाकाबाट अवैध रकमसहित उनीहरुलाई पक्राउ गरेको प्रहरी उपरीक्षक प्रकाश रानाभाटले जानकारी दिए ।

निरीक्षक रानाभाटका अनुसार जनकपुरबाट हुण्डी रकम २५ लाख ५० हजारसहित भारत जाँदै गर्दा जटहीबाट पक्राउ परेका हुन् । यसबारे थप अनुसन्धान भइरहेको प्रहरीले जनाएको छ ।