सिरहा । सिरहामा अवैध हुन्डी कारोबारमा संलग्न भएको आरोपमा युवक पक्राउ परेका छन् ।

जिल्लाको गोलबजार नगरपालिका ४ बाट प्रहरीले बिहीबार साँझ स्थानीय ३० वर्षीय किशुनलाल साहलाई पक्राउ गरेको हो ।

इलाका प्रहरी कार्यालय गोलबजार र प्रहरीको केन्द्रीय अनुसन्धान ब्युरो (सीआईबी) को संयुक्त टोलीले उनलाई पक्राउ गरेको जिल्ला प्रहरी कार्यालय सिरहाले जनाएको छ ।

साहलाई उनकै घरबाट पक्राउ गरिएको बताइएको छ । पक्राउ लगत्तै सीआईबीले थप अनुसन्धानका लागि साहलाई काठमाडौं लगेको छ ।