नेपाल कम्युनिष्ट पार्टी (नेकपा) प्रचण्ड–माधव समूहकी नेतृ रामकुमारी झाँक्रीले प्रधानमन्त्री केपी शर्मा ओली आफैंले आत्मघाती गोल गरेर हारेको बताएकी छिन् ।

शुक्रबार बागलुङमा आयोजित सभालाई सम्बोधन गर्दै झाँक्रीले ओलीले आफैले आफैलाई गोल गरेको र थप गोल गर्ने समय बाँकी नरहेको बताइन् ।

झाँक्रीले पार्टी विभाजनका खलपात्र राखेर कम्युनिस्ट पार्टी नबन्ने भन्दै अबको पार्टीमा केपी ओली, सुवास नेम्वाङ, रामबहादुर थापा बादल, टोपबहादुर रायमाझीहरु नहुने बताइन् ।

उनले सभाबाटै निर्वाचन आयोगलाई पार्टी वैधानिकता विवाद चाँडो टुंग्याउन पनि आग्रह गरेकी छिन् । आयोगलाई ‘केपी ओलीको चिन्ता नगर्नुहोस् नेकपाको वैधानिकता हामी हौं’ उनले भनिन् ।

सुर्य चिन्ह आफ्नो समुहको भएको दाबी गर्दै उनले व्यंग शैलीमा भनिन्, ‘अबको चनावमा केपी ओलीले त किरा फट्याङ्ग्रा चिन्हबाट चुनाव लड्छन्’।