काठमाडौं । प्रचण्ड–माधव समूहको संसदीय दलको बैठकले राजीनामा मागेको भोलीपल्ट अर्थात आज प्रधानमन्त्री केपी शर्मा ओली समूहको संसदीय दलको बैठक बस्दैछ ।

हिजो बसेको प्रचण्ड–माधव समूहको बैठकले ओलीलाई संसदीय दलको नेताबाट हटाएर पुष्पकमदल दाहाल ‘प्रचण्ड’लाई संसदीय दलको नेतामा चयन गरेको थियो ।

प्रधानमन्त्री निवास बालुवाटारमा बस्ने आजको बैठकमा नेकपाका उपाध्यक्ष एवं राष्ट्रिय सभाका सदस्य वामदेव गौतमलाई पनि आउन आग्रह गरेको बुझिएको छ ।

हिजो साँझ प्रधानमन्त्री ओली स्वयम् गौतमलाई भेट्न भैंसेपाटीस्थित गौतम निवास पुगेका थिए ।

यता, प्रचण्ड–माधव पक्षले १११ सांसद रहेको दाबी गरेको छ भने ओली समूहले पनि ससंदीय दलमा आफ्नै बहुमत रहेको दाबी गर्दै आईरहेको छ ।