काठमाडौँ । राष्ट्रपति विद्यादेवी भण्डारी र नेकपा एमालेका अध्यक्ष केपी शर्मा ओलीबीच भेटवार्ता भएको छ।

बुधबार बेलुका ८ बजे राष्ट्रपति भवन शीतल निवासमा राष्ट्रपति भण्डारी र पूर्वप्रधानमन्त्री समेत रहेका ओलीबीच भेटवार्ता भएको शीतल निवास स्रोतले जानकारी दियो।

स्रोतका अनुसार भेटमा एमालेको संकट, राजनीतिक अस्थीरता र समसामयिक राजनीतिक विषयमा छलफल भएको छ।

‘उहाँहरुबीच करिब २ घन्टा भेटघाट भएको हो’, शीतलनिवास स्रोतले भन्यो।

स्रोतका अनुसार करिब ८ बजे शीतलनिवास प्रवेश गरेका ओली राती १० बजे बाहिरिएका थिए।