काठमाडौँ । पछिल्लो २४ घण्टामा थप १८१ जनामा कोरोना भाइरस सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार ९ हजार ८२७ जनामा कोरोना परीक्षण गर्दा १८१ मा सङ्क्रमण पुष्टि भएको जनाइएको छ । यससँगै सक्रिय सङ्क्रमित सङ्ख्या नेपालमा पाँच हजार २७१ पुगेको छ ।
यस्तै, पछिल्लो समय थप २८९ जना कोरोनाबाट निको भएर घर फर्किएका छन् । यससँगै निको हुनेको सङ्ख्या आठ लाख आठ हजार आठ सय ९२ पुगेको छ । निको हुने दर ९८ प्रतिशत रहेको मन्त्रालयले जनाएको छ ।
यसैगरी, पछिल्लो २४ घण्टामा कोरोनाबाट थप १ जनाको मृत्यु भएको छ । योसँगै कोरोनाबाट मृत्यु हुनेको सङ्ख्या ११ हजार ५७३ पुगेको छ ।
त्यसैगरी पछिल्लो समय ९७ हजार ०२६ जनाले कोरोना भाइरसविरुद्धको खोप लगाएका छन् ।
Leave a Reply