काठमाडौं । पछिल्ल्लो २४ घण्टामा ३ हजार ०७५ जनामा कोरोना भाइरस संक्रमण पुष्टि भएको छ। यो पछिल्लो चार महिना यताकै धेरै हो ।

स्वास्थ्य तथा जनसंख्या मन्त्रालयका अनुसार आज  देशभरमा १३ हजार ०३६ नमूना परीक्षण गर्दा ३ हजार ७५ जनामा संक्रमण पुष्टि भएको हो । जसमा पिसिआर परीक्षणबाट २ हजार ४४८ र एन्टिजेन परीक्षणबाट ६२७ जनामा संक्रमण पुष्टि भएको मन्त्रालयको तथ्यांकमा उल्लेख छ ।

यसअघि हिजो २,४४४ जनामा संक्रमण पुष्टि भएको थियो । यस्तै, पछिल्लो २४ घण्टामा २७८ जना संक्रमणमुक्त भएका छन् । यसअघि हिजो ३१३ जना डिस्चार्ज भएका थिए।

यसैगरी, आज बुधबार कोभिड–१९ को सङ्क्रमणबाट थप २ जनाको मृत्यु भएको छ । योसंगै हालसम्म कोरोनाबाट ज्यान गुमाउनेको संख्या  ११ हजार ६०९  पुगेको छ।

हाल देशभर ११,६९० जना कोरोना भाइरसका सक्रिय संक्रमित रहेका छन्।