काठमाडौं । पछिल्लो २४ घण्टामा थप ११ हजार ३५२ जनामा कोरोना भाइरस (कोभिड-१९) को संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार देशभरमा २३ हजार ४०९ नमुना परीक्षण गर्दा ११ हजार ३५२ जनामा संक्रमण पुष्टि भएको हो ।
यस्तै, विगत २४ घण्टामा देशभर ६ सय १३ संक्रमणमुक्त भएको मन्त्रालयका सहप्रवक्ता डा. समीरकुमार अधिकारीले जानकारी दिए ।
यसैगरी, आज चार जनाको मृत्यु भएको छ । योसँगै हालसम्म कोरोनाबाट मृत्यु हुनेको संख्या ११ हजार ६२८ पुगेको छ।
डा. अधिकारीका अनुसार हाल देशभर ४७ हजार ९२९ संक्रिय संक्रमित छन् ।
यस्तै, काठमाडौँमा ४ हजार ६६६, भक्तपुरमा ५७८ र ललितपुरमा १,०१९ जनामा संक्रमण पुष्टि भएको मन्त्रालयको भनाइ छ ।
Leave a Reply