काठमाडौ‌ं । नेपालमा पछिल्लो २४ घण्टामा थप ३ हजार १७५ जनामा कोरोना भाइरस संक्रमण पुष्टि भएको छ ।

स्वास्थ्य मन्त्रालयका अनुसार विहीबार कुल १२ हजार ६०५ जनाको परीक्षण गर्दा ३ हजार १७५ जनामा कोरोना भाइरस (कोभिड-१९) को संक्रमण पुष्टि भएको हो ।

यस्तै, पछिल्लो २४ घण्टामा मुलुकका विभिन्न अस्पतालबाट गरी ८ हजार ७२३ जना संक्रमणमुक्त भएको मन्त्रालयको तथ्यांकमा उल्लेख छ।

यसैगरी मन्त्रालयका अनुसार आज थप १४ जना कोरोना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको ११ हजार ७७८ संख्या पुगेको छ।

हाल देशभर ६३ हजार २६९ जना सक्रिय संक्रमितहरु रहेका छन्।