काठमाडौं । पछिल्लो २४ घण्टामा देशभर थप १ हजार १२८ जनामा कोरोना भाइरसको सङ्क्रमण पुष्टि भएको छ ।

स्वास्थ्य तथा जनसङ्ख्या मन्त्रालयका अनुसार २० हजार ९८९ जनाको परीक्षण गर्दा कुल १,१२८ जनामा सङ्क्रमण पुष्टि भएको हो ।

यही अवधिमा थप २ हजार २१५ जना सङ्क्रमणमुक्त भएका छन् ।

यस्तै, कोभिड–१९ को सङ्क्रमणबाट शुक्रबार थप १४ जनाले ज्यान गुमाएका छन् । हालसम्म कोभिड-१९ संक्रमणबाट ज्यान गुमाउनेको संख्या ११ हजार ८७८ पुगेको छ।

यसैगरि हाल देशभर २७ हजार ४४१ जना सक्रिय संक्रमितहरु रहेका छन्।