काठमाडौं । पश्चिम सेती जलविद्युत् परियोजना निर्माणको माग गर्दै बोलन्या थलीले प्रधानमन्त्री शेरबहादुर देउवालाई १ लाख पत्र बुझाइएको छ ।

सुदूरपश्चिम प्रदेशका ९ जिल्लाबाट संकलन गरेका पत्र बिहीवार थलीका संयोजक यादव जोशी सहितको टोलीले प्रधानमन्त्री देउवालाई बुझाइएको हो । धनगढीस्थित बोलन्या थलीले ३३ महिना लगाएर एक लाख पत्र संकलन गरेको थियो ।

प्रधानमन्त्री देउवाको शुक्रवारबाट हुने भारत भ्रमणको पूर्वसन्ध्यामा अन्तर्राष्ट्रिय लगानी खोज्न आग्रह गर्दै पत्र बुझाइएको थलीका संयोजक यादव जोशीले जानकारी दिए ।

पत्र बुझेपछि प्रधानमन्त्री देउवाले पश्चिम सेती निर्माणका लागि दबाब अभियानलाई धन्यवाद दिँदै आफ्नै पालामा परियोजना बनाउने प्रतिबद्धता व्यक्त गरेका छन् ।