एजेन्सी । श्रीलंकाका गभर्नरले पनि राजीनामा दिएका छन् । केन्द्रीय बैंकका गभर्नर अजिथ निभार्ड कबरालले ट्वीटरमार्फत् पदबाट राजीनामा दिएको जानकारी गराएका हुन् ।
आर्थिक संकटबाट गुज्रिरहेको श्रीलंकामा २६ मन्त्रीहरुले सामूहिक राजीनामा दिएपछि आफूले पनि राष्ट्रपति समक्ष राजीनामा बुझाएको कबरालले बताए ।
चरम आर्थिक संकटका कारण श्रीलंकाका नागरिकहरुको आक्रोश बढ्दो छ । सरकारविरुद्ध सडकमा प्रदर्शन हुन थालेपछि र लुटपाटका घटना बढेपछि देशभर कर्फ्यु लगाइएको छ ।
प्रदर्शन रोक्ने प्रयासमा सडकमा सेना परिचालन गरिएको छ । कर्फ्युसमेत उल्लंघन गर्दै नागरिकहरु प्रदर्शनमा उत्रिएलगत्तै प्रधानमन्त्रीबाहेक सरकारका सबै मन्त्रीहरुले सामूहिक राजीनामा दिएका छन् ।
Leave a Reply