काठमाडौं । राष्ट्रिय जनमोर्चा उपाध्यक्ष तथा सांसद दुर्गा पौडेलले नागरिकता वितरणमा कडाइ गर्न आग्रह गरेकी छन् ।

बिहीबार प्रतिनिधिसभाको बैठकमा सरकारको नीति तथा कार्यक्रममाथिको छलफलका क्रममा उनले नेपालको भौगोलिक अवस्था र खुला सीमालाई मध्यनगर गर्दै कडा कानुन बनाउनुपर्नेमा जोड दिइन् ।

“नागरिकता कुनै पनि देशको भूगोल सुहाउँदो, खुला सिमानालाई ध्यानमा राखेर, विधि–प्रक्रिया बनाएर अघि बढौँ,” उनले भनिन् ,“वंशज र अंगीकृत नागरिकताको जुन विधि छ, नागरिकता वितरण त्यसरी नै अघि लानुपर्छ । धेरै खुकुलो बनाएर लाने हो भने नेपाली आफ्नै देशमा अल्पसंख्यक बन्ने अवस्था आउँछ ।”