काठमाडौं । नेकपा एमालेका सांसद एवं पूर्वमन्त्री शेरबहादुर तामाङले आफूले दर्ता गरेको गाँजासम्बन्धि विधेयक अघि बढाउँन माग गरेका छन् ।

आफूले संसद सचिवालयमा दर्ता गरेको गाँजा खेती नियमन तथा व्यवस्थापन विधेयकमा अहिलेसम्म किन छलफलमा नल्याएको भन्दै सभामुख अग्निप्रसाद सापकोटालाई प्रश्न गरेका छन् ।

बिहिबार प्रतिनिधि सभाको बैठकको विशेष समयमा बोल्दै उनले विधेयक दर्ता गरेको ८ सय ९६ दिन भइसकेको भन्दै सो विधेयक अघि बढाउन माग गरे ।

सांसद तामाङले गाँजा खेतीबाटै नेपाल समृद्ध हुनसक्ने भन्दै गाजा नियमनसम्बन्धी विधेयक २०७६ फागुन १९ गते संसद सचिवालयमा दर्ता गरेका थिए ।