काठमाडौं । नेपाल प्रहरीको महानिरीक्षक (आईजीपी) नियुक्तिसम्बन्धी मुद्दाको पेसी फेरि आगामी शुक्रबारलाई सारिएको छ ।

सर्वोच्च अदालतमा प्रतिवादीतर्फका कानुन व्यवसायी नआए पछि सारिएको हो ।

वैशाख १८ मा मन्त्रिपरिषद्ले धिरज प्रताप सिंहलाई आईजीपी नियुक्त गर्ने निर्णय गरेको थियो ।

विश्वराज पोखरेलले आफूभन्दा १७ महिना जुनियर एआईजीलाई आईजीपी बनाएको भन्दै गत वैशाख १९ गते सर्वोच्च अदालतमा रिट दर्ता गरेका थिए । आईजीपी धिरज प्रताप सिंह तर्फका कानुन व्यवसायी र सरकारी वकिलको बहस सकिएको छ ।