चितवन । बहुराष्ट्रिय कम्पनी बोटलर्स नेपाल तराई लिमिटेड (कोकाकोला) मा कार्यरत मजदुरहरु आन्दोलनमा उत्रिएका छन्। भरतपुरको गोन्द्राङमा रहेको कम्पनीले निकालेका ४८ जना कर्मचारीहहरुको पुर्नवाहालीको माग राख्दै मजदुरहरु आन्दोलनमा उत्रिएका हुन् ।

अखिल नेपाल टे«ड यूनियन महासंघको नेतृत्वमा ज्ञापनपत्रसहित ७ बुदें माग राखेर मजदुरहरु आन्दोलनमा उत्रिएका हुन् । उनीहरुल प्रशासन समक्ष राखेको माग पूरा नभएपछि आफूहरु बाध्य भएर आन्दोलनमा होमिएको जनाएका छन् ।

मनपरी तवरले मजदुरहरुलाई दमन गर्दै आएको कम्पनीले जागिरबाट निस्कास नै गरेपछि आन्दोलनमा उत्रिएको टे«ड यूनियन महासंघ भरतपुर महानगरका अध्यक्ष नवराज लामिछानेले बताए । उनले माग पूरा नगरे आन्दोलनबाट उत्पन्न हुने परिणामको जिम्मा बोटलर्स नेपालको व्यवस्थापनले लिनुपर्ने पनि जनाएका छन् ।

कम्पनीबाट निष्कासित ४८ जना श्रमिक मजदुरहरुलाई यथासिघ्रपूनर्बहाली, खानेपानी, स्वास्थ्य, सरसफाई, वायू प्रदुषण, र विकास सम्बन्धी समस्याहरु समाधान आफूहरुको मुख्य माग रहेको महासंघ भरतपुरका महानगरका सचिव गोविन्द तिवारीले जानकारी दिए ।

झण्डै एक दशक अघिदेखि निरन्तर काम गर्दै आइरहेकोले कर्मचारीहरुलाई ननिकाल्न मजदुरहरुले माग गरेका छन् ।

महानगरले गरेको यस कार्यको अखिल नेपाल टे«ड यूनियन महासंघ जिल्ला समितिले पनि समर्थन गरेको जिल्ला संयोजक यदुमणि कंडेलले जानकारी दिएका छन् ।

यसअघि बोटलर्स नेपालले २०७७ सालमा ४४ जना मजदुरहरुलाई कम्पनीले कामबाट निकाल्दा आन्दोलन भएपछि पुनः काममा राखेको थियो ।