काठमाडौं । नेपाली क्रिकेट टोलीको कप्तान रोहितकुमार पौडेलले खराब नतिजालाई बिर्सेर वेस्ट इन्डिज ‘ए’ सँगको टी–२० शृंखलामा ध्यान केन्द्रित रहेको बताएका छन् ।

शुक्रबार पत्रकार सम्मेलनमा रोहितले प्रिमियर कपको प्रदर्शनबाट थोरै निराश भए पनि त्यसलाई भुलेर भविष्यतर्फ केन्द्रित रहेको बताएका हुन् ।

नेपालले शनिबारदेखि घरेलु मैदानमा वेस्ट इन्डिजसँग पाँच खेलको शृंखला खेल्दै छ ।

एसीसी प्रिमियर कपमा खराब प्रदर्शनपछि नेपालले यो शृंखला खेल्न लागेको हो ।