काठमाडौं । अमेरिकी नागरिक कितिया पावोलोब्स्कीले सगरमाथा क्षेत्रमा खिचेको भनिएका तस्बिरबारे काठमाडौंस्थित अमेरिकी दूतावासले स्पष्टीकरण दिएको छ ।

आइतबार दूतावासले फेसबुकमार्फत उक्त हिउँ चितुवाको तस्बिरको आधिकारिकता पुष्टि गर्न नसकिएको स्वीकार गरेको छ ।

ती तस्बिर आफ्नो सामाजिक सञ्जाल एकाउन्टबाट मेटाउने दूतावासले जनाएको छ ।

अमेरिकी फोटोग्राफरले खिचेको तस्बिर भन्दै केही समयअघि दूतावासले उक्त फोटोहरू आफ्नो फेसबुक र इन्स्टाग्राम पेजबाट सेयर गरेको थियो जुन त्यतिबेला निकै चर्चित पनि भएको थियो ।

अहिले आएर फ्रान्सेली म्यागाजिन अल्पाइनले यो तस्बीर फेक भएको विषय सार्बजनिक गरेको छ ।

अल्पाइनले विभिन्न विज्ञहरूको राय र प्रमाण सहित यो तस्बीर फेक भएको बताएको छ । अल्पाइनको यो रिपोर्ट सार्बजनिक भएपछि फोटोग्राफर कित्तिया सामाजिक सञ्जालबाट बेपत्ता भएकी छिन् । उनले आफ्ना सामाजिक सञ्जालका एकाउन्टहरु डिलिट गरेकी छन् ।