पोखरा । पोखरा ३३ ठूलढुंगा नजिक जंगलमा विस्फोटक पदार्थ भेटिएको छ । जंगलमा भेटिएको विस्फोटक पदार्थ खेलाउँदा पड्किएर २ जना घाइते भएका छन् ।

घाइते हुनेमा १५ वर्षका माइकल चौधरी र १३ वर्षका सवीन तामाङ छन् । उनीहरूले भेटिएको विस्फोटक पदार्थ घरमा लगेर किला ठोकेपछि पड्किएको कास्की प्रहरीले जनाएको छ ।

दुवै जनाको पोखरा स्वास्थ्य विज्ञान प्रतिष्ठानमा उपचार भइरहेको छ ।

विस्फोटक पदार्थ कहाँ र कस्तो अवस्थामा थियो भन्नेबारे अनुसन्धान भइरहेको प्रहरीले जनाएको छ ।