काठमाडौं । प्रधानमन्त्री पुष्पकमल दाहाल ‘प्रचण्ड’ नेपाल र लाओसबीचको फाइनल खेल हेर्न दशरथ रंगशाला पुगेका छन् ।

नेपालले थ्री नेसन्स कपको उपाधिका लागि त्रिपुरेश्वरस्थित दशरथ रंगशालामा लाओससँग प्रतिस्पर्धा गरिरहेको छ ।

पहिलो खेलमा लाओसलाई २–० ले पराजित गरेको नेपालले दोस्रो खेलमा भुटानसँग १–१ गोलको बराबरी खेलेको थियो।

लाओसले भने भुटानलाई पराजित गर्दै फाइनल प्रवेश गरेको हो ।

प्रतियोगिताको विजेताले ५ हजार अमेरिकी डलर तथा दोस्रोले ३ हजार डलर पाउनेछ ।