काठमाडौं । त्रिभुवन अन्तर्राष्ट्रिय विमानस्थलबाट एक जना भारतीय नागरिक पक्राउ परेका छन् ।

अवैध रूपमा भन्सार छलेर लैजान लागेको करिब ५८ ग्राम पहेँलो धातुको ब्रासलेटसहित ३० वर्षीय इमरान सिराजलाई बिहीबार दिउँसो पक्राउ परेका हुन् ।

हिमालय एयरलाइन्सको जहाजमा दोहाबाट काठमाडौं आएका सिराजलाई त्रिभुवन अन्तर्राष्ट्रिय विमानस्थलको आगमन टनेल गेटमा प्रहरीले जाँच गरेको थियो ।

जाँच गर्ने क्रममा उक्त ब्रासलेट बरामद भएपछि प्रहरीले भारतीय नागरिक सिराजलाई पक्राउ गरेको जनाएको छ । उनीमाथि थप अनुसन्धान गर्न त्रिभुवन विमानस्थल भन्सार कार्यालय गौचरमा बुझाइएको छ ।