काठमाडौं– बेलायती राजा चार्ल्स तृतीयलाई क्यान्सर देखिएको छ ।

प्रोस्टेट ग्रन्थीमा देखिएको समस्याको चेकजाँच गर्ने क्रममा राजा चार्ल्समा क्यान्सरको संक्रमण भएको पत्ता लागेको हो ।

यद्यपि उनमा देखिएको क्यान्सर प्रोस्टेटसँग सम्बन्धित नभएको बताइएको छ ।

क्यान्सर कुन प्रकारको हो र शरीरको कुन भागमा छ भन्नेबारे स्पष्ट जानकारी सार्वजनिक गरिएको छैन।

यद्यपि सोमबारदेखि उनको उपचार सुरु गरिएको बताइएको छ ।