काठमाडौँ । सत्ता गठबन्धनमा विवाद भइरहेका बेला नेपाली कांग्रेसका सभापति शेरबहादुर देउवा र एकीकृत समाजवादीका अध्यक्ष माधव नेपालबीच भेटवार्ता भएको छ ।

बुधबार साँझ गाल्फुटारस्थित कांग्रेसका एक नेताको घरमा देउवा र नेपालबीच पौने एक घण्टा भेटवार्ता भएको हो ।

पार्टीको सचिवालय बैठकपछि अध्यक्ष नेपाल देउवासँगको भेटवार्ताका लागि गल्फुटार पुगेका हुन् ।

नेपाल पुगेको केही समयपछि देउवा आइपुगेका थिए ।

प्रमुख प्रतिपक्षी दलका सभापति देउवा र सत्ता साझेदार दल एकीकृत समाजवादीका अध्यक्ष नेपालबीच भएको गोप्य भेटवार्तालाई अर्थपूर्ण रूपमा हेरिएको छ ।